طبعا كل بيت من بيوتنا لازم يكون فيه واحد او اتنين بيتعلموا يعنى بيروحوا المدارس انا باقولكم كدا عشان كلنا ممكن نحكم على اللى بيحصل وهو
لاقى كام تلميذ فى المرحلة الابتدائية حافظ جدول الضرب ولا يعرف يتملى الكلمات المتوسطة اللى هى مش سهلة ولا صعبة ابحثوا هتلاقوا العجب كام تلميذ فى المرحلة الاعدادية يعرف يجمع الحدود الجبرية كام واحد خلص دبلوم يعرف يكتب جواب كامل بدون اخطاء دا غير الطلبة اللى مش بتعرف تقرا واللى مش حافظة الحروف الابجدية وطلبة اعدادى اللى مش حافظين الابجدية الانجليزيةوغيرها كتير (هناقشه فى موضوع تانى)
ودا مسئولية كل الجهات التعليمية والاشخاص القائمون عليها واليكم بعض الامثلة:
المدرسة:
باختصار وبدون ما اطول فى الكلام المدرسة ببساطة مكان لحشد التلاميذ واحتجازهم لفترة ثم يتم الافراج عنهم بعد بضع ساعات فهى مكان لاخذ الغياب والحضور مكان لاثبات ان التعليم لايزال موجود لم ينته بعد ومن مميزات وجود المدرسة انها مكان لتعارف الطلبة وقضاء وقت خارج السجن الاول وهو البيت وكذلك من مميزاتها ايضا تعارف التلاميذ على المدرسين اللى ممكن ياخدوا عندهم دروس خصوصية ومجموعات فالمدرسة هى مبنى ليس الا.
المدرس:
المدرس الاساسى اللى متعين من خلال جواب امر التكليف دا مدرس متمكن بيعرف يمشى اموره بيدور على مصالحه داخل المدرسة التعرف على التلاميذ لتكوين مجموعات واعطاء دروس خصوصية اما فى الحصص المدرس لا يشرح الدرس ولكن يملى الدرس من الكشكول بتاعه لكشاكيل الطلبة وبمجرد خروج المساجين (التلاميذ) من سجنهم (المدرسة) يجرى هو كمان على اول درس خصوصى واول مجموعة وبعد المجموعه تيجى المجموعه التانية وبعدها الدرس المتخصص بتاع البيت وغيره
مدير المدرسة:
مدير المدرسة او ناظر المدرسة او الوكيل دا شخص يهتم فقط بشئون المؤسسة او الشركة اللى بيديرها (المدرسة) الادارية والمالية واحصاء عدد الطلاب والمبالغ المدفوعة من المصروفات والتوريد بالاضافة لذلك الاهتمام بنظافة المدرسة وتزيينها امال العملية التعليمية ومستوى الطلاب واهتماماتهم تولع بجاز .
ولى الامر:
ولى الامر التلميذ (الاب او الام ) عليه جانب من مسئولية انحطاط التعليم وهو ان ولى الامر لا يتابع ولا يسال
