استفيد دوت كوم

يا مصر.. فى سؤال محيرنى ليكي

انتى بتحبينى ولا بتكرهينى؟؟

علشان عنيكى
فى مر و شقى قضيت سنينى

مسحول فى ارضك
متهان فى دينى
علشان تعيشي انا مت
وعلشان تشوفى خسرت عينى

انتى بتحبينى ولا بتكرهينى؟؟

اعملك ايه تانى؟؟
علشان تعيشي فى عز
الفقر جانى
علشان تعيشي بشرف
اتهنت تانى
اعملك ايه تانى
ما واحد 30 سنة بيدبحنى
و التانى عرانى
و حتى و انا ميت مرحمنيش
فى الزبالة راح رمانى
اعملك ايه تانى

اجهضوا الثورة
و عادوا نفس الكلام تانى
و قالوا مبتفكرش فبلدك انتا انانى
و رجعونا لكلام كانى و مانى
اعملك ايه تانى


يا مصر

حتى احساسي فعلمك
ابيض بلون الكفن
و اسود بلون الحداد
و احمر بلون الدم
هو فى اكتر من كده هم؟؟
ده انا اللى شوفته فيكى كله غم فغم


يا مصر .. خلاص انا زهقت
علشانك مات الاف و سكت
من فراعينك خلاص انا تعبت
بس بردو سكت

اصل حبى ليكى يا مصر
مش مجرد كلام
بس بردو يا مصر ميبقاش كل حبى ليكى الام فــى الام
يا سلام على ثورة شالت فرعون و جابت فرعون ..يا سلام
خلص الكلام

و بردو السؤال محيرنى
انتى بتحبينى ولا بتكرهينى؟؟

و ازاى مع كل ده
بيزيد حنينى
بتحبينى ولا بتكرهينى??

.

.  وطـنيـــات..♥♫♥♫♥ (.♥ REZK ♥) ♥♫♥♫♥